قصيدة للشاعر سعدي صباح

أخطيني قصيدة للشاعر سعدي صباح
أخطيني في الرّاي مانا متفقين
        سامحني في الغيب منكم نا هارب
نهجر وين تكون نقسم باليامين
      منكم صرت غريب في وهده سايب
من ذي الساعه ڨاع رانا مفروڨين
              أفتح وذنك زين لحديثني ناوب
ڨلبي واجعني من الناس الشينين
         ساعفني نخطيك واحسبني غايب
يا راجل مليت من صحبت وجهين
           ما نشري البهتان ما نشرك غاتب
ما نقصد في ناس ڨمنه مقبولين
     نقصد في لي راه في الغيبه شايب
عندي ضرك أسنين ما نعرف مرّين
       من خير الجليس ما نسعى صاحب
ولي ننوى فيه يا مرحم لخرين
       حافظ عيب الناس يحصي المثالب
وأنت بالتحديد خشبه ماك فطين
      تعرف للدفرات في المنطڨ ذارب
نصحب خلقه بالقدر والڨلب حنين
       أ ما نصحب غربان جيفه واثعالب
نعرف وحده داعره والعهد متين
           أما نعرف حيڨون مثلك يتڨالب
طبعك سادي حاڨر الراجل بالعين
       تدخل سوڨ الغير واتعود تحاسب
يا ذا المدعي خاف رب العالمين
         هذا الراجل راه في سوڨك لاعب