* كَايْن ْعْلاشْ *
بقلم :فاطمة بصور*
كَايْنْ عْلاْشْ،
اٌتٓصَفَّرْ اٌلرِّيحْ،
فَ وْدَنْ اٌلتَّارِيخْ،
مَللِّي بَاطَلْ لِيَّامْ،
عْلَى سْقَفْ زْمانَّا يْطِيحْ؟!
كَايْنْ عْلاَشْ،
شَمْسْ اٌلْوَقْتْ،
تَلْبَسْ اٌللِّيل قَفْطَانْ،
مَلِّلي سْبُولْنَا اٌلْمَزُوزِي،
يَتَّحْرگْ بْ شُومْ اٌلْحٌگرَة،
فْ فَدَّانْ بَلَّعْمَانْ،
كَايْنْ عْلاَشْ،
فَ زْمَانَّا يَرْكَبْنَا لَهْبَالْ،
وَنْلَبْسُه هَدْ اٌلْحَالْ،
مَللِّي اٌتْوَلِّي اٌنْتَ خْيَالْ،
وَنَا وَرْقَة طَاحَتْ،
مَنْ شَجْرَةْ اٌلْبَالْ،
كَايْنْ عْلاَشْ،
گايْنيِنْ اٌحْنَا،
اٌلِّلِي اٌنْدَبْنَا وْجَهْ اٌلتَّارِيخْ،
بْ دَلّْ اٌلصّْبَرْ،
وْقَصَّرْنَا لْ عُنْقْ لَعْنَايَة لَعْمَرْ،
سِيحْة اٌلزَّرْبَة،
اٌبْغَى يْگُولْ لْسَانِي،
اٌللِّي فْ قَلَّةْ نَفْسُه اُعْتَرْ،
كَايْنِينْ اٌحْنَا،
اٌللِّي اٌرْضِينَا بْ لَفْتَاتْ،
وْخَيَّطْنَا فُمّْ لَغْوَاتْ،
كَايْنِينْ…
مِيّْتِينْ وَاُحْنَا حَيِّينْ،
وَاٌيِّيهْ… حَيِّينْ،
ْوْتِيلاَدْ اٌلْعَزّْ،
يَا حَسْرَة دَاكْ اٌلْعَزّْ،
فَ حْجَرْ اٌلْقَابْلَة مَاتْ؟!
وكاينة مجنونة الحرف والركح: فْعَيْنْ الْوَقْت
ـــــــــــــــــــــــــــــــــــــــــــــــــــــــــ
- شاعرة من المغرب
